Па-першае, для дранікаў нам спатрэбіцца бульба. Бульбіны чысцім і шаруем на цёрцы для дранікаў ці выкарыстоўваем кухонную тэхніку. Адну цыбуліну трэба насекчы дробна або перацерці на той жа цёрцы. Дадаем адно курынае яйка, соль і спецыі дасыпаем па гусце. Цяпер кладзём дзве сталовыя лыжкі смятаны. Усё старанна перамешваем і дадаем муку.

Для фаршу мы возьмем курыныя сцёгны «Вітконпрадукт». Гэта сакавітае мяса – тое, што нам і трэба! У фарш дадамо зеляніну і насечаную цыбулю, цяпер солім і змешваем.

Патэльню змазваем сланечнікавым алеем, добра разаграваем і выкладваем прыблізна чарпак бульбянога цеста, акуратна размяркоўваем лыжкай па ўсёй патэльні. Бульбяны блінец хутка зарумяніцца. Двума лапаткамі перавярніце яго. Зараз гэта самы сапраўдны залацісты дранік!

Калі ўзнікаюць складанасці і дранік ірвецца, дадайце яшчэ трохі мукі ў цеста. З шасці бульбін ў нас атрымалася сем вялікіх дранікаў.

Пачакаем пакуль трошкі астынуць. Цяпер кладзем фарш на дранік тонкім пластом, так будзе лягчэй закруціць яго. Заварочваем у рулецік і складаем ў форму. Яе можна перад гэтым змазаць алеем або заслаць фальгой ці паперай для выпечкі. Калі ўсе рулеты будуць гатовыя, нам зноў спатрэбіцца фальга або папера для выпечкі, каб закрыць іх зверху.

Адпраўляем у разагрэтую да 180 градусаў духоўку хвілін на 20 каб запекся фарш. Цяпер змазваем смятанай і пасыпаем зверху нацёртым сырам. Не зачыняючы зверху бляху пакінем у духоўцы яшчэ хвілін на дзесяць.

Усё, сябры, гэтыя дарагія сэрцу дранікі гатовыя. На стол іх ставім са смятанай і зелянінай. Ежце так, як вам падабаецца! Любімая страва па-новаму выглядае проста выдатна, хоць на святочны стол!

Чытайце таксама: 

Этот пирог сделает ваш праздничный вечер. И главное – он не отнимет много времени и денег

Удивите семью на выходных французским пирогом: Киш с курицей, грибами и брокколи

Приготовили вкусную тыкву с рисом и курицей по сложному рецепту от полоцкого шеф-повара. Вы просто обязаны повторить